refreshing既bb味~

細細個O個時恨大個...對"大人"好多fantasy....但係人越大....就越唔想做大人....所以...不斷去搵野去重溫小朋友既感覺.......


johnson's....細細個用佢既body wash黎洗白白...夜晚會用粉紅色既lotion搽手腳(跟媽媽一齊搽)...記憶..到而家仲o係度....


新出既johnson's系列...sell美肌...但又有bb回憶......


打開有香噴噴味....等我帶佢出去sport sport完用...帶返個bb味比自己先~~~

苦中一點甜~

好多人都會問....你份工好辛苦既呢.....?!

以前覺得...我點辛苦講你又唔明...辛苦就梗架lor~~~
但..隨住工作經驗值++應對亦逐漸機械化....

人:wa..你份工都幾辛苦架wor...
我︰而家做野...邊個唔辛苦丫....

答得hea...但係中wor...
返工個個都有辛苦野架啦...個個都想份工唔辛苦架啦...
之不過...當o係辛苦既過後...有成功感..有認同...有肯定...o個d辛苦...一定會係開心既~
苦中一點甜嘛.....嘗試o係辛苦既工作入面...搵令自己開心既野...零零碎碎o個d都得...積少可以成多嘛~

o係每日返工遇到d想打爆佢地個頭時間...數數自己既甜點......
細路篇:
1)公開試季節...細路們都要準備佢地既會考....原來佢地都會keep住上網check最hit既流傳tip題~~~之前CE geog,有同學o係房內面大嗌...有人傳會出"馬榮火山"呀!!!!!
同學m:(AL同學..都有修geog)唉!都已經唔係第一晚講架啦....
姑娘: (F3 lv geog)真係唔識咩係"馬榮火山"..淨係識volcano咋!!!!
同學m:唔知有冇"馬嶢火山"呢?!(有個女仔企圖以自己個名亂up一個火山名出黎!!!)
同學m+姑娘: hahhahahahahha~


同事分享篇:
1) 話說有日同事k同我分享一個壞分子同學既劣質英文....
k:你知唔知o個個同學d英文有幾差呀?!嗱...冇禮貌=impolite...你知唔知佢點串呢個字?!
我:可以差成點?!F3架啦bor~~~~
k:佢串..im...pro..nice....lor~~~~真係好pro呀.....
我:有冇搞錯......
k:而家我成日笑佢...我地都好pro架...
我:...仲好nice tim~~~~
真係bear bear聲~~~

終極篇:
話說姑娘o係度做左咁耐....最鍾意用"販賣小朋友"呢招去試探細路對姑娘既忠誠/支持程度.....
姑娘有時會話....
j姑娘覺得你地好乖呀....咁不如我同j姑娘調...咁j姑娘咪好開心lor~~~~(小朋友話...唔要呀....我唔住宿啦....姑娘唔好dum低我地呀...)kakakakkaka~~~
o係學期尾既時間...大家(職員+學生)都未知下學年有咩大調動時......
丫...你地話下年姑娘去睇邊度邊度好唔好?!!!(當然佢地一定唔會係o個班target)
唔好呀......姑娘唔准走.....kakakakkakakaak
(雖然姑娘hidden知道...佢地可能只係比較下鍾意自己....但係...都ok wor~~~~)

行政工作係辛苦...睇到d唔做野既同事自己會好忟憎...同酬不同工(作量)既環境會令自己計較...點解做得比人地多....
但係....o係發拙自己既甜點中....總會搵到自己既存在價值...

身體...健康~

人越大....身體需要既野越多....

supplements相對需要更多~~~

細個o個時...
食vitamin C...當糖食...橙味好好味....
飲康鈣C...當飲料...最鍾意睇住粒野放落水...沙沙聲...有汽..好似汽水咁......

隨住年紀越大....supplements都會按自己體質而增加......
為既..只係唔好令自己身體越黎越差.......


papa jelly..有人當乙水小朋友咁買比姑娘食...為既只係等姑娘記得食...甜甜地幾好味~
鈣片既出現應該係女人既恩物...因為一日隊唔到幾多牛奶~~~
唔係自己關節開始唔多ok...都應該唔識佢....葡萄糖胺...

之前仲有三文魚油...啪完幾粒...當佢d膠囊o係胃度溶左...腥味由胃湧返上黎...難以形容既差~

for媽媽既...有月見草...皮膚差我都會拎兩粒自己食.....

唉~~~~
其實究竟我係咪為左supplements而生活呢?!



小小花束....
代表送花者既心意....
咁...收花既係咪一定鍾意?!

是誰搬走我的EQ?!

O係環環緊扣既工作環境底下....同事請病假可以=牽一髮動全身....

因為請病假...所以今日聽到轉述...(O係每日例會最多人既時間...)
同事G :尋晚O係佢(雯雯姑娘)間房訓得好好...佢可以請多D假..
雯雯buddies:(.......)<--據低b同事轉述..其他人既反應係:拍枱..拍枱...拍枱+反眼..

比著以前既我....一定xyz佢幾條街.......
今日既我....都會.....
之但係....
我會諗多左.....

因為姑娘O係呢個工作環境既優勢唔係叻過其他人......
我只係比佢地後生....除非我死得早...如果唔係...鬥長命既一定係我嬴...
重要既係...不智既佢選擇向同同事關係良好既姑娘..我落手...唔係..落口先arm...口出狂言....

To...同事G:
我好欣賞你....
不恥下問既精神....even o個d野其實係可以自己試下去搵.....
對每一件事都抱住"發現新大陸"既心態....
縱然好多野其實都係已知~~~~~
祝願...你能夠o係度平穩過度......



有人話...
如果有一日我上左位...
我會係一個"一朝得志...語無論次"既上司.....
諗諗下....都有機會架.....
遇到D人同一個mistake出現多過一次我會忟lor~~~~"新黎架你....咁都會錯..."
所以....都係做frontline算啦~~~~~~~

o係度越留得耐....越係train我EQ~

好天氣

一個月啦...整整一個月.....

香港住既人呢個月好似過左幾年咁....講緊既係個天氣~~~~

幾日裏面經歷晒春夏秋冬....明明朝早2X度...去到夜晚跌到得返20度....
豆腐膶屋企同時要放晒厚薄既衫standby~

係...我係好怕凍....但係我更怕氣溫失常....而家真係唔知想點....

香港既四季...帶比我好多獨有既回憶.....
中學時代...天時熱熱都要同d女同學一齊著住件冷背心...明明就已經差唔多焗熟...
秋天arm arm黎既時候...行返學感覺有少少風...吹埋黎係舒服..唔凍既...
冬天時間...就算點凍都好...死都唔著校褸...為既..唔係貪靚...而係...著住佢又唔暖..又硬..

天氣...亦都會影響心情....
壞天氣...唔知點解都會令人有唔開心..悶悶既心情....

藍天...你幾時返黎?!

restart............from here~?!

好耐好耐冇認真記低自己發生過既事......開心既...唔開心既....

人越大...要記既野越多....唔記得左既野越多....或者...又係關"歲月神偷"既事吧...
好...就將佢記落黎....

由呢度重新...開始~~~~